Fréttir

Kjarasamningur við kirkjugarðana samþykktur

Kjarasamningur Samiðnar við Kirkjugarða Reykjavíkurprófastsdæma sem undirritaður var 19. maí sl. var samþykktur í atkvæðagreiðslu sem lauk í dag en 89% voru hlynnt samningnum og 11% andvíg.  Samningurinn telst því samþykktur.

>> Sjá samninginn.

Úrræði stjórnvalda vegna kórónuveirufaraldursins

Samiðn fagnar þeim úrræðum sem stjórnvöld hafa gripið til vegna kórónuveirufaldsins, m.a. hlutabótaleiðinni sem ætlað er að tryggja ráðningarsamband við launþega.  Að sama skapi telur Samiðn það forkastanlegt að fyrirtæki séu að nýta sér umrædda leið ef þau þurfa ekki á henni að halda.  Fyrirtæki sem greiða út arðgreiðslu og kaupa upp eigin bréf og nýta sér um leið umrædd úrræði stjórnvalda eru ekki góð fyrirmynd. Hafa ber í huga að þeim fjármunum sem varið er um þessar mundir vegna kórónuveirufaraldursins eru fjármunir almennings. Mikilvægt er á tímum sem þessum að allt samfélagið standi saman í þeim ólgusjó sem nú er að ganga yfir landið. Samiðn hvetur til ábyrgra ákvarðana fyrirtækja með hagsmuni Íslands að leiðarljósi og fagnar því að stjórnvöld ætli að setja strangari leikreglur vegna nýtingar úrræða sem eru á kostnað samfélagsins.

Höfum opnað að nýju!

Það er okkur ánægja að tilkynna að við höfum opnað húsakynni okkar að nýju á Stórhöfðanum "2F Hús Fagfélaganna." 

Opnunartími er líkt og áður frá kl. 8-16 nema föstudaga 8-15.

Minnum á reglur sóttvarnarlæknis um umgengni og handþvott >> sjá hér.

Leiðbeiningar fyrir iðnaðarmenn vegna COVID-19

Embætti landlæknis hefur gefið út leiðbeiningar til aðila sem sinna þjónustu, eftirliti og viðgerðum á heimilum eða í fyrirtækjum.

Gátlisti útsendra starfsmanna vegna COVID-19

Með útsendum starfsmönnum er sérstaklega átt við alla starfsmenn er veita þjónustu við almenning á heimilum þeirra eða í fyrirtækjum.

Þegar hætta er talin á smiti af völdum kórónaveiru (COVID-19) þarf útsendur starfsmaður að:

> Þekkja einkenni COVID-19 sýkingar og smitleiðir veirunnar og kynna sér leiðbeiningar um viðurkennda verkferla, nánari upplýsingar á http://www.landlaeknir.is.
> Einkenni COVID-19 eru: Hósti, hiti, kvefeinkenni, bein- og vöðvaverkir og þreyta, stundum með hálsbólgu. Eins hefur breytingu eða tapi á bragð- og lyktarskyni verið lýst.
> Beita grundvallarsmitgát við störf.
> Upplýsa næsta yfirmann ef grunur vaknar um COVID-19.

Við störf á heimilum annarra eða í fyrirtækjum meðan farsótt geisar er gott að hafa í huga:

> Nota skal hreinan vinnufatnað/hlífðarfatnað á hverri vakt. Ef fatnaður óhreinkast eða mengast ætti að skipta um fatnað.
> Alltaf skal líta á alla hanska sem mengaða og varast að snerta andlit með þeim. Nota skal hreina vinnuhanska eða einnota hanska við hvert verk. Ef ekki er hægt að skipta um vinnuhanska fyrir hvert verk skal að lágmarki gera það ef mögulegt er að þeir hafi mengast, sérstaklega ef hafa mengast með slími frá öndunarvegum starfsmanns eða óþekktum vökvum á vinnustað.
> Þótt engin veikindi séu þekkt hjá starfsmanni eða þeim sem unnið er hjá er rétt að halda sem mestri fjarlægð allan tímann meðan útsendur starfsmaður er á staðnum, best er að enginn annar sé í rými/herbergi þar sem hann er að störfum.
> Starfsmaður skal reyna að koma sem minnst við yfirborðsfleti, s.s. ljósarofa, með berum höndum. Ef það er óhjákvæmilegt ætti að hreinsa hendur fyrir og eftir slíka snertingu.

>> Sjá gátlistann í heild sinni.

Stjórnvöld hraði innviðauppbyggingu

Miðstjórn Samiðnar samþykkti á fundi sínum 30. mars eftirfarandi ályktun þar sem stjórnvöld eru hvött til atvinnuskapandi verkefna svo mæta megi þeirri ágjöf sem gengur yfir atvinnulífið:

"Á tímum samdráttar er mikilvægt að stjórnvöld horfi til verkefna sem stuðla að atvinnusköpun sem flestra. Ljóst er að mörg verkefni koma þar til greina, bæði á sviði samgöngumála og mannvirkjagerðar. Nú er uppi fordæmalaust ástand í samfélaginu með mikilli ágjöf á atvinnulífið og nauðsynlegt að stjórnvöld bregðist hratt við. Hagvaxtahorfur hafa versnað til muna og telur Samiðn mikilvægt að framkvæmdir hefjist þegar í stað. Verulega hefur skort á viðhaldsframkvæmdir hjá hinu opinbera síðustu misserin og nú er lag að bregðast við uppsafnaðri þörf þar. Brýnt er að halda hjólum atvinnulífsins gangandi og stuðla að því að greiðslur úr ríkissjóði skili mikilvægum virðisaukandi verkefnum til samfélagsins. Það er á svona tímum sem reynir á stjórnvöld að styðja við af fullu afli og ljóst er að enginn hörgull er af verðugum verkefnum sem ráðast þarf í.

Samiðn skorar því á stjórnvöld að hraða innviðauppbyggingu og setja í gang mannaflsfrekar framkvæmdir eins fljótt og frekast er unnt.

Loks vill Samiðn fagna þeim tillögum sem eru fyrirliggjandi varðandi endurgreiðslu á virðisaukaskatti vegna vinnu manna á byggingarstað íbúðar- og frístundarhúsnæðis, sem og viðhalds ökutækja. Þessar tillögur eru atvinnuskapandi og mikilvægar á þeim tímum sem framundan eru. Að sama skapi telur Samiðn mikilvægt að umrædd endurgreiðsla á virðisaukaskatti taki einnig til framkvæmda á vegum sveitarfélaga."

LOKAÐ / CLOSED / ZAMKNIĘTE

Vegna tilmæla frá lögreglu- og heilbrigðisyfirvöldum er skrifstofan lokuð um óákveðinn tíma frá og með 23. mars og verður þjónusta við félagsmenn einungis veitt með rafrænum hætti.  
>> Frekari upplýsingar fást í síma 5400100 eða This email address is being protected from spambots. You need JavaScript enabled to view it.

 In light of the recommendations issued by the Icelandic authorities the Office is closed from 23rd of March until further notice.  Members will only be served on-line.  
>> For further information please call 5400100 or This email address is being protected from spambots. You need JavaScript enabled to view it.

 Zgodnie z zaleceniami organów prawnych i ochrony zdrowia, od 23 marca nasze biuro zostaje zamknięte, a kontakt będzie możliwy wyłącznie drogą elektroniczną.
>> Więcej informacji pod numerem telefonu 5400100 lub This email address is being protected from spambots. You need JavaScript enabled to view it.